Menú

ensino

UGT e CCOO convocan unha folga de dúas horas o próximo 8 de marzo

 
A Unión Xeral de Traballadores e as Comisións Obreiras convocan o próximo 8 de marzo, Día Internacional da Muller, unha folga de dúas horas por quenda para denunciar as brechas existentes no mercado laboral e dar resposta ás demandas e as necesidades das traballadoras deste país.
 
Ambos os sindicatos convocarán así mesmo asembleas, mobilizacións e concentracións, co lema "Vivas, libres, unidas pola igualdade", animando aos traballadores e traballadoras a participar de forma masiva nas manifestacións que terán lugar o Día Internacional da Muller.
 
A Vicesecretaria Xeral de UGT, Cristina  Antoñanzas, subliñou que "UGT e CCOO consideramos que este 8 de marzo temos que dar un paso máis e por iso convocamos un paro para dar visibilidade a todas as discriminacións que sofren as mulleres á hora de acceder ao mercado de traballo e unha vez dentro".
 
"Trátase de dar a dimensión laboral á iniciativa sindical que proporciona cobertura legal a toda a reivindicación social e civil que vén articulando e que se vai a desenvolver o próximo 8 de marzo" engadiu, a Secretaria de Mulleres e Igualdade de CCOO,  Elena Blasco.
 
Ambas destacaron que as mulleres sofren máis a precariedade no traballo e que as reformas laborais e os recortes que se acometeron nos anos da crise, xunto coa decisión deste Goberno de non tomar medidas para avanzar en materia de igualdade, están a provocar retrocesos en moitos aspectos.
 
Segundo os datos da EPA, hai máis de 10 millóns e medio (10.569.000) de mulleres activas; máis de 8 millóns e medio (8.558.000) de mulleres ocupadas. Destas traballan a tempo parcial máis de 2 millóns (2.066.000). Supoñen o 73,74% de todas as persoas que traballan a tempo parcial. E hai máis de dous millóns de desempregadas (2.011.000).
 
Ademais, as mulleres son as que asumen maioritariamente o coidado de fillos ou familiares acolléndose a permisos, reducións de xornada e excedencias que teñen consecuencias moi negativas nas súas carreiras profesionais e nas súas cotizacións para a xubilación.
 
Por iso, para UGT e CCOO é necesario desenvolver iniciativas como unha Lei de Igualdade salarial que termine coa diferenza entre os salarios de homes e mulleres polo mesmo traballo, desenvolver plans de igualdade ou os protocolos contra o acoso ou políticas activas de emprego destinadas ás vítimas de violencia de xénero.
 
Non se debe esquecer tampouco a insoportable realidade da violencia de xénero e a practicamente invisible e silenciada situación do acoso sexual no ámbito do traballo.
 
Ambos os sindicatos demandan así mesmo mecanismos para corrixir as desigualdades e esixen responsabilidades, por unha banda ao Goberno -para que asuma o seu parte, tome medidas e dote de recursos económicos e humanos suficientes os orzamentos destinados a loitar contra todas estas discriminacións-, e por outro, aos empresarios para que deixen de mirar cara a outro lado.
 
Cristina  Antoñanzas e  Elena Blasco, estiveron acompañadas polos secretarios xerais de ambas as organizacións, Pepe Álvarez e  Unai Xordo.
 
 
 

ABERTA A CONVOCATORIA PARA A SEXTA EDICIÓN DO PREMIO Á INNOVACIÓN EDUCATIVA ESCOLA VIVA

O Sector de Ensino de FeSP-UGT Galicia e Escola Viva anunciaron hoxe en rolda de prensa a convocatoria da sexta edición do Premio á Innovación Educativa Escola Viva. O prazo para a presentación dos traballos queda aberto dende hoxe ata o próximo día 26 de abril.
 
O presidente da asociación Escola Viva, Raúl Gómez Farto, e a secretaria xeral da Federación de empregados e empregadas dos Servizos Públicos (FeSP-UGT Galicia), Delia Irene Martínez, presentaron hoxe estes premios, que xa van pola súa sexta edición e que teñen como obxectivo recoñecer o labor daqueles docentes que levan a cabo experiencias didácticas innovadoras nos seus centros, co fin de mellorar a formación do seu alumnado.
 
Neste senso, Irene Martínez manifestou a satisfacción de FeSP-UGT Galicia por colaborar nesta iniciativa que “recoñece aos traballadores e traballadoras a súa innovación e actualización constante do seu contido profesional”, aínda que considera que debería ser a Administración quen o fixera.
 
Pola súa banda, Raul Gómez, destacou que estos premios, que van pola sexta edición, xa son un clásico en Galicia, “tanto polo contido da súa convocatoria coma polos importantes premios que se conceden, grazas principalmente ao esforzo de FeSP-UGT”. Ademais, o presidente de Escola Viva recordou que se está a chegar a un importante número de centros, docentes e escolares: “Na última edición participaron máis de 45 centros, que son máis de 900 profesores e 15.000 alumnos e alumnas”.
 
Todos os interesados poderán presentar os seus traballos dende xa ata o próximo día 26 de abril no que remata o prazo. A resolución darase a coñecer o 9 de maio. Poderán presentarse a este premio profesores de Educación Infantil e Primaria, Educación Secundaria, Ensinanzas Artísticas e de Réxime especial e Formación Profesional de centros públicos e concertados. O primeiro premio terá unha contía de 2.000 euros, mentres que o segundo recibirá 1.000 euros. Os traballos educativos que se presenten ao devandito premio deberán versar sobre os seguintes ámbitos: aprendizaxe participativo e colaborativo, atención á diversidade, convivencia, educación ambiental, TICs, linguas estranxeiras e ensinanzas artísticas. 
 
2017. O proxecto “A vida no acuario” de Sonia Sánchez Guerra, do CEIP Plurilingüe da Serra de Outes recibiu o pasado ano o primeiro premio da quinta edición dos Premios á innovación educativa “Escola Viva”, mentre que o segundo premio foi para “A cooperativa Riomaior, a cooperación fai a unión”, de Beatriz Somoza Pires e Verónica Paz Souto, do CEP Plurilingüe Riomaior  de Santa Cristina de Cobres (Vilaboa).
 
 
 
 

FeSP-UGT Ensino solicita a regulación das materias afíns co apoio de case 5.000 sinaturas

 
A Federación de Traballadores dos Servizos Públicos da UGT presentou hoxe por rexistro un escrito dirixido ao presidente da Mesa Sectorial Docente solicitando unha reunión para “expoñer á administración educativa a proposta de crear COMISIÓNS PROVINCIAIS para revisar os perfís das prazas con materias afíns e o reparto coherente de especialidades para cada praza con perfil afín”. Esta solicitude vai reforzada con case 5.000 sinaturas  “como mostra do apoio do profesorado galego”.
 
Estas comisións provinciais constarían de dúas reunións; unha en xullo, coincidindo cas vacantes de Educación Primaria e algunha de Secundaria, e outra na primeira semana de setembro para a Etapa da Educación Secundaria. En opinión de UGT, a solución da regulación das materias afíns debería pasar por unha Orde que estipule quen pode impartir cada materia en función da titulación que posúa. 
 
O obxectivo é “garantir calidade educativa ao noso alumnado, un traballo do ámbito para o que se formou o docente e unha rentabilidade de recursos para a administración”, segundo explicou Paula Carreiro, representante do sector de ensino público de FeSP-UGT Ensino.
 
Nestes intres non existe regulación sobre as materias afíns, polo que este sindicato quere destacar o esforzo que está a realizar o profesorado na coherencia de elección das mesmas en base á súa capacitación, fronte a falta de seriedade por parte da Administración.

FeSP-UGT PROPÓN UN CALENDARIO ESCOLAR MÁIS EQUILIBRADO COAS VACACIÓNS DE PRIMAVERA NOS PRIMEIROS DÍAS DE ABRIL

O sector de Ensino da FeSP-UGT de Galicia presentará mañá na Mesa Sectorial Docente unha proposta de calendario escolar máis equilibrado coas vacacións de Primavera nos 10 primeiros días de abril. O sindicato reiterará a necesidade de crear comisións provinciais para tratar sobre as materias afíns, e demandará un concursiño para facilitar a mobilidade voluntaria do persoal docente.
 
Hoxe nun encontro cos medios  de comunicación Delia Irene Martínez, Secretaria xeral de FeSP-UGT Galicia; Gerardo Morano Díaz, Secretario Sector de Ensino de FeSP-UGT Galicia e Paula Carreiro, Secretaria Executiva de FeSP-UGT Galicia denunciaron o “suspenso da Consellería de Educación na materia de dialogo social”.
 
Irene Martínez, secretaria xeral de FeSP-UGT Galicia, apuntou que  “en abril iniciamos unha campaña para a regulación das materias afíns e tamén pedimos unha reunión co conselleiro para presentarlle a nosa proposta de calendario e non tivemos resposta algunha, máis alá da convocatoria habitual da mesa sectorial. É así como a Administración de Ensino entende o diálogo e a negociación”.
 
Gerardo Morano explicou a proposta do calendario que ten como obxectivo prioritario “racionalizar os períodos de traballo de docentes e alumnos, establecendo unhas vacacións fixas nos primeiros días de abril”. Desta forma se desvincularía o calendario escolar das vacacións de Semana Santa que, ao ser variables, poden crear períodos lectivos moi breves ou moi longos”. Esta proposta está baseada en criterios pedagóxicos, xa que permite que haxa uns períodos lectivos máis equilibrados, así como marcar unhas vacacións fixas, polo que será máis sinxelo a conciliación da vida familiar, ao coincidir as vacacións sempre nas mesmas datas. Ademais, Gerardo Morano insistiu na necesidade de que “se abra o debate para acadar un consenso entre todas as partes para racionalizar os períodos de traballo e descanso de alumnos e docentes”.
 
Pola súa banda, Paula Carreiro falou sobre as materias afíns, tema no que UGT ten en marcha unha campaña dende o mes de abril para solicitar a creación dunhas comisións provinciais para revisar os perfís das prazas con materias afíns e o reparto coherente de especialidades para cada praza con perfil afín. FeSP-UGT Ensino presentou ante a Consellería máis de 5.000 sinaturas pedindo esta regulación e a Administración aceptou limitar a dúas as materias afíns que pode incluír cada vacante. “Pero parécemos insuficiente e insistimos na necesidade de crear unhas comisións provinciais, formadas por representantes da administración, dos centros e dos sindicatos, para evitar os desaxustes que existen na actualidade”, manifestou Carreiro.
 
Concursiño para facilitar a mobilidade. Outra das preocupacións do sindicato é a situación na que se atopa o profesorado que leva varios anos esperando o seu primeiro destino definitivo e cambia de centro cada ano coa dificultade que iso supón para a conciliación familiar. Por este motivo, UGT solicitará á Administración unha medida que xa se está utilizando noutras comunidades autónomas como Aragón: “A celebración dun concursiño -previo á celebración do Concurso de Adxudicación de Destinos Provisionais- entre profesorado definitivo (que traballa en centros que están a máis de 50 quilómetros do domicilio familiar)  e docentes en expectativa de destino de longa duración (máis de seis anos), que houbera participado no Concurso Xeral de Traslados.
 
 

FeSP-UGT DENUNCIA UNHA OFERTA DE EMPREGO PARA ENSINO “INSEGURA, SEN NEGOCIACIÓN E ESCASA”

A Federación de Traballadores dos Servizos Públicos da UGT considera que a oferta do proceso de Oposicións anunciado hoxe pola Consellería de Educación na xuntanza da Mesa Sectorial é “insegura, sen negociación e escasa”.
 
UGT recorda que “a Consellería oferta un proceso de Oposicións que non garante que se vaia poder celebrar” dado que están á espera da aprobación dos Orzamentos Xerais do Estado ou dun Decreto do Ministerio que autorice a celebración das mesmas. “Miles de docentes están á espera dunha convocatoria coa incerteza da posible celebración”.
 
Por outra banda, a pesar de que hai uns días se anunciou que se ía negociar cos representantes legais do profesorado, “a oferta de prazas non foi negociada cos sindicatos, simplemente se limitaron a informar dun número de prazas en determinados corpos e especialidades, sen ter en conta as nosas opinións”.
 
Desta forma, UGT non pode entender que non se convocaran prazas por acceso libre para Conservatorios de Música ou o que sucede en Educación Infantil, onde hai moi poucas prazas para a demanda existente.
 

Página 1 de 4

 

SÍGUENOS EN FACEBOOK


ÚLTIMOS TWEETS

      

      

IR ARRIBA