Xustiza: Baixa participación nun ambiente de coacción que non permitiu realizar unha votación con garantías

No día de onte, o persoal ao servizo da Administración de Xustiza estaba chamado a exercer o seu dereito a decidir libremente se aceptaban ou non a última proposta presentada pola Xunta na mesa de negociación ás centrais sindicais presentes no Comité de Folga.

O que debería ser unha xornada de participación democrática, na que un colectivo de traballadores exercitara o seu lexítimo dereito ao voto, converteuse sen embargo, desde primeira hora da mañá, nunha intolerable persecución por grupos de asalto organizados polos sindicatos  CUT, CIG e  STAJ.

Durante toda a mañá, os membros destes sindicatos tentaron impedir coa súa actitude agresiva que a votación tivese lugar. Todos estes feitos están debidamente documentados con imaxes que indican que se puideron cometer numerosos delitos: coaccións, ameazas, insultos, danos materiais e  incitación ao odio, entre outros.

As vítimas destes posibles delitos foron, ademais dos sindicalistas das organizacións sindicais UGT, CCOO,  SPJ-USO e CSIF, as súas familias e os traballadores e traballadoras da Administración de Xustiza que pretendían votar.

O exercicio de intolerancia realizado desde  CUT, CIG e  STAJ, non cabe dentro dunha democracia. Tratar de impedir o lexítimo dereito fundamental ao voto é, en si mesmo, dunha gravidade extrema. O ocorrido onte é escandaloso e non pode nin debe ser tolerado.

As localidades de Vigo, Pontevedra, A Coruña, Lugo e Ferrol foron as máis afectadas por esta actitude máis propia dun réxime fascista que dunha democracia.

As organizacións sindicais UGT, CCOO,  SPU-USO e CSIF, en defensa dos seus delegados, afiliados e simpatizantes, non nos imos a quedar de brazos cruzados ante este terrible ataque aos dereitos e liberdades máis básicas dunha democracia. Estes feitos vergoñosos cualifícanse e retratan por si sós a quen os realice, e deberán ser postos en coñecemento da Fiscalía para que os responsables dean cumprida conta ante a Xustiza dos posibles delitos que puidesen cometer.

Debido a esta circunstancia  non votaron 1.137 funcionarios sobre un censo de 2.750 e dos que votaron 746 votaron a favor do si e 836 a favor do non. O non sae por un escaso de marxe de 90 e tendo en conta todo o ocorrido non é en absoluto significativo.

Os resultados foron os seguintes:

As e os empregados públicos de xustiza, na rúa contra a discriminación laboral

Nova mobilización de empregados e empregadas publicos de Xustiza en Galicia noutra xornada de folga previa á indefinida, que se realizará a partires do día 7 de febreiro. En Santiago celebrouse unha manifestación que rematou diante do Parlamento de Galicia coa participación de 2.000 persoas.

A resposta das e dos traballadores non puido ser máis clara nesta terceira xornada de folga xeral, na que a xustiza parou case por completo, cuns datos de participación no paro superiores ao 90%. En Vigo a porcentaxe foi do 98%, mentres que en Ourense, Pontevedra, Santiago e Lugo foi do 95%.

Esta é a antesala da folga indefinida que se realizará a partires do 7 de febreiro, se non hai antes diálogo e acordos coa Administración. As negociacións coa Xunta rompéronse o pasado venres, sendo o principal escollo a negociación sobre as incapacidades temporais.

Apoio maioritario dos traballadores de xustiza á folga indefinida

Hoxe celebrouse a primeira xornada da folga indefinida na xustiza galega cun "apoio maioritario e sen fisuras das e dos traballadores da Xustiza", segundo explicou o responsable de UGT Xustiza Galicia, Manuel González Carvajal.

Mañá, nova xornada de folga na xustiza galega