Menú

C.E.N.

Outros borradores de procesos selectivos: Prazo de alegacións ás ordes de convocatoria

 
A Dirección Xeral da Función Pública remitiu, ás organizacións oindicais, as ordes de varios procesos selectivos. Podedes descargar os borradores para achegar as alegacións que estimedes oportunas nos seguintes enlaces:
Procesos selectivos extraordinarios de consolidación para o ingreso como persoal laboral fixo da Xunta de Galicia, nas categorías:
Procesos selectivos, pola quenda de acceso libre e promoción interna, para o ingreso no:
• Corpo superior de Administración xeral da Comunidade Autónoma Galicia, subgrupo A1.
• Corpo de xestión de Administración xeral da Comunidade Autónoma Galicia, subgrupo A2.
• Corpo administrativo da Administración xeral da Comunidade Autónoma Galicia, subgrupo C1.
• Corpo auxiliar da Administración xeral da Comunidade Autónoma de Galicia, subgrupo C2.
 
O prazo de presentación de alegacións ante Función Pública remata o vindeiro día 18 de novembro ás 14:00 horas.
 
Agardamos as túas achegas no enderezo electrónico: Esta dirección de correo electrónico está protegida contra spambots. Usted necesita tener Javascript activado para poder verla.

Concentración en San Caetano para esixir a recuperación do horario lectivo dos docentes

Hoxe tivo lugar a primeira mobilización para esixir a recuperación do horario lectivo do profesorado galego previo ao inicio da crise económica (18 horas en Secundaria e 21 en Primaria). Os delegados de FeSP-UGT Ensino e de todas as organizacións sindicais presentes na Mesa Sectorial de Ensino concentráronse en San Caetano e iniciaron desta forma a campaña de mobilizacións prevista, ante a negativa da Xunta a sentarse a negociar esta recuperación, senón chegaba a financiación do Goberno Central.
 
A seguinte mobilización celebrarase o próximo xoves 21 de novembro nas sete cidades galegas.
 

A conselleira de Educación négase a negociar sobre o horario léctivo e as OOSS presentes na mesa sectorial planean mobilizacións

A conselleira Carmen Pomar manifestou hoxe a súa negativa rotunda a negociar sobre a recuperación dos horarios lectivos existentes antes dos recortes do ano 2011. Fíxoo no transcurso da reunión celebrada esta tarde con UGT e o resto das organizacións sindicais presentes na mesa sectorial de Educación, que van xuntas nesta reivindicación. Despois de máis de dúas horas de reunión, a conclusión é que a Administración non está disposta a negociar e as organizacións sindicais acudirán ás mobilizacións para esixir algo que é de xustiza para o profesorado galego.
 
A secretaria do sector de Ensino de FeSP-UGT, Paula Carreiro, expuxo na reunión coa conselleira e o seu equipo directivo que esta actitude lles parecía “un menosprezo á labor do profesorado. Na época dos recortes, se lles apertou o cinto ao máximo e despois, coa recuperación, os incrementos de orzamento van para outras partidas, deixando de lado ao profesorado”.
 
O argumento dos responsables da consellería de Educación é que non van negociar nada, ata que non se lles conceda un incremento orzamentario por parte do Goberno Central para implantalos. Curiosamente noutras comunidades recuperouse o horario lectivo sen modificación algunha no orzamento. Incluso, no transcurso da reunión, a Consellería recoñeceu que no caso de Primaria, apenas habería repercusión no orzamento, xa que “non se modificou a lei de catálogos”. Esta afirmación aínda fai máis incomprensible a postura da Consellería. 
 
Hai que recordar que as organizacións sindicais están a reclamar a recuperación dun horario lectivo recortado por Feijóo con anterioridade ao RD 14/2012, que vén de ser derrogado polo goberno do Estado. En concreto, demandábase a volta aos 18 períodos lectivos máximos en Secundaria e aos 21 en Primaria, un dereito que xa recuperaron 7 comunidades autónomas. Ademais, recobrar os horarios lectivos subtraídos non significará menos horas de traballo, senón de docencia.
 

Desde hoxe 7 de novembro, as mulleres traballan gratis

UGT relanza a partir de hoxe, 7 de novembro, a campaña que desenvolve o sindicato todos os anos desde 2016 para denunciar a brecha salarial entre mulleres e homes, atendendo aos datos de Eurostat que analiza salarios hora. Así, este ano as mulleres traballan gratis en España desde o 7 de novembro ata final de ano. É dicir, traballarán 55 días gratis como consecuencia da brecha salarial (tres días máis que o ano anterior).

Segundo os últimos datos dispoñibles de Eurostat:

•España é o segundo país onde máis aumentou a brecha salarial, un 0,9%, por detrás de Malta, onde se incrementou un 1,2% (non se facilitaron datos de Irlanda e Grecia). Por contra, no conxunto da UE, a brecha descendeu un 0,20%.

•Dos 27 países analizados, a brecha salarial descendeu en 16, respecto ao ano anterior, e en 10 aumentou.

•España rexistrou unha brecha salarial do 15,1% (segundo os últimos datos rexistrados por Eurostat). Por baixo da media da UE que se situou no 16%.

•Tendo en conta os días, en España as mulleres traballan 55 días gratis, algo menos que a media da UE (traballan 58 días gratis).

Algunhas observacións e demandas:

•A última estatística dispoñible de Eurostat refírese ao ano 2017, ano no que gobernaba o PP. Por tanto, non reflicte os efectos dos avances lexislativos que se adoptaron este ano para reducir a brecha de xénero, no ámbito laboral. Uns avances positivos pero que UGT cualifica de insuficientes e é que varias medidas implantaranse de maneira progresiva (así supoñen avances a equiparación do permiso de paternidade co de maternidade ou a obrigación de establecer plans de igualdade ás empresas de máis de 50 traballadores e traballadoras, pero é negativo que se retarde ao establecer a súa aplicación de forma progresiva ata 2021).

•Desde o ano 2012 ata o ano 2016, a brecha salarial en España foi descendendo, pero no ano 2017 volveu aumentar. A discriminación salarial é, de todas as discriminacións que sofren as mulleres, a que máis dificultades entraña para ser erradicada. O motivo só é explicable desde o custo económico que ten para as empresas erradicar dita discriminación salarial, á que chaman brecha. Outras discriminacións que soportaron as mulleres fóronse corrixindo con medidas cuxo custo recae sobre a Seguridade Social ou sobre as propias traballadoras (reducións de xornada, as excedencias, ou os permisos de coidados, que podendo ser gozados polos homes, tampouco eles asumen o custo económico e de protección social que representan).

•Fai falta máis celeridade no avance das políticas de igualdade e impulsar, dunha vez por todas, unha lei de igualdade salarial para eliminar a discriminación e a brecha salarial por razón de sexo de forma eficaz e efectiva.

•Só lexislando adecuadamente será posible que as mulleres fagan efectivo o seu dereito fundamental a cobrar o mesmo que os homes cando realizan traballos iguais ou de igual valor. Ademais dunha inxustiza, supón un custo social e económico que este país non se pode permitir.

 

Curso "permisos de corresponsabilidade nos coidados familiares para a igualdade"

 

Do 20 de novembro ao 12 de decembro celebrarase o curso "Permisos de corresponsabilidade nos coidados familiares para a igualdade", que vai dirixido a persoal funcionario e laboral da Xunta, Local, Xustiza, Universidades e estatutarios non fixos do Sergas. Haberá un exame presencial o 16 de decembro (10:00 horas) en A Coruña, Lugo, Ourense, Pontevedra, Vigo, Ferrol e Santiago. 

Abrirase a inscrición o día 6 de novembro ás 9 horas na páxina web da EGAP e o código do curso é CV19063. A selección realizarase por rigoroso orde de inscrición. Só hai 50 prazas dispoñibles. 

No  adxunto tedes a información sobre como facer a inscrición.

Página 1 de 31

 

SÍGUENOS EN FACEBOOK


ÚLTIMOS TWEETS

      

      

IR ARRIBA