Menú

O goberno ten que abrir xa un proceso de negociación na función pública para recuperar dereitos

 ​
O ​secretario ​xeral ​de​ UGT,​ Pepe Álvarez,​reclamou ​ao ​Goberno​ "que​ abra un ​proceso​ de​ negociación​ na función​ pública​ para​ recuperar​ os​ dereitos​ perdidos durante​ a​ crise​ para​ as traballadoras ​e ​traballadores​ públicos​ no​ noso país".
 
Pepe ​Álvarez​ realizou estas​ declaracións​ previas​ á ​manifestación​ que tivo​ lugar ​este​ xoves ​en Madrid​ baixo​ o​ lema "Agora​ Salarios, Emprego público ​e Dereitos.​ #AhoraLoPúblico",​onde​ sinalou​ que ​"o Executivo do ​noso​ país​ leva​ tempo prometendo​negociación​ e ​diálogo na ​función ​pública ​que,​ ata​ o ​día​ de hoxe, ​é ​practicamente ​inexistente. Este ​xoves,​desde ​a​ rúa, ​esiximos negociación ​xa".
 
"Non​ o​ dicimos​ só​ nós", ​lembrou. "A ​propia ​Unión​ Europea ​(UE) ​ou ​a Organización ​Internacional​ do​Traballo ​(OIT)​ esixiron​ xa​ ao​Goberno español​ que ​abra ​un ​proceso ​de ​negociación​ colectiva ​neste​ ámbito".
 
Un​ proceso​ co ​fin​ de ​"recuperar salarios. ​A​ perda​ de ​poder​ adquisitivo ​dos​ traballadores da​ función​ pública ​foi​​ importantísima ​no​noso ​país nos​ últimos​ anos.​ Chegou​ o​ momento ​de ​recuperala.​ De ​igual​ maneira ​que ​a ​economía​ se​ recuperou, os ​salarios​ dos​traballadores​ públicos ​téñense​ que​ recuperar. ​Hai​ moitos ​traballadores​ e ​traballadoras​ con salarios ​por ​baixo​ de​ 1.000​ euros nas ​administracións​ públicas".
 
Recuperar a capacidade de decisión das administracións públicas
Recuperar​ a ​propia​ capacidade de ​decisión​ das​ administracións​ públicas. ​"Recuperar​ capacidade ​de​ negociación​ e​ autonomía ​na​administración ​local,​ recuperar ​capacidade ​e autonomía ​na ​administración ​autonómica ,​tal ​e​ como​ había ​antes ​da crise​ da​ que​estamos ​a ​saír".
 
Recuperar​ tamén​ o​ emprego.​ "Hai que​ recuperar​ a ​calidade ​dos ​servizos, ​recuperando,​ á ​súa​ vez, ​o ​emprego ​que ​había ​antes ​do​inicio ​da crise, ​porque ​estamos ​moi ​lonxe ​de alcanzar ​ese ​nivel", ​considerou.​
 
Por ​todo ​iso, ​o ​secretario ​xeral ​de UGT​ animou ​a ​toda ​a ​cidadanía a ​participar​ nesta​ campaña​ de​ mobilizacións.​ "É​ importante ​non ​só​ para​ os empregados ​públicos,​ senón ​para​ o conxunto ​dos ​cidadáns.​ O​ conxunto ​da cidadanía ​ten​ que ​sumarse, ​porque dos​dereitos ​dos ​traballadores ​públicos ​dependen ​boa ​parte ​dos ​dereitos dos​ cidadáns ​á ​hora ​de ​recibir ​os ​servizos ​públicos​ de​calidade". ​
 
En​ Madrid ​tamén​ estivo ​unha ​ampla ​representación​ da​ Federación​ Galega ​de ​Empregadas e​ Empregados dos​ Servizos​ Públicos ​cunha ​pancarta ​propia ​e​ na ​cabeceira ​central da​ manifestación ​tamén ​estivo ​a ​secretaria​ xeral​ desta​ federación​ en Galicia.
 

 

SÍGUENOS EN FACEBOOK


ÚLTIMOS TWEETS

      

      

IR ARRIBA