Alegacións á proposta de RPT do Consorcio Galego de Servizos de Igualdade e Benestar

Alegacións á proposta de RPT do Consorcio Galego de Servizos de Igualdade e Benestar
0
0
0
s2smodern

 

Consideracións previas:

 

Con anterioridade a entrar ás alegacións aos postos de traballo asociados aos distintos centros de traballo, procede realizar unha serie de consideracións xerais sobre o presente documento borrador de RPT, así:

 

UGT considera que debera abordarse de xeito paralelo á presente RPT, unha negociación das condicións de traballo que deberían determinar a prestación de servizos nos distintos centros e que atendan as especificidades de cada un deles. Ese acordo de condicións de traballo debe analizar o encadramento salarial que proceda á homologación final e definitiva cos centros análogos da Consellería de Política Social. Debe indicarse as concrecións que sobre os niveis salariais teñen as competencias, funcións e tarefas realizadas polo persoal de todas e cada unha das categorías.

 

Como se indicará ao longo do documento aparecen determinados postos de traballo coa indicación da itinerancia dos mesmos, entendendo que polas características da prestación do servizo e en aras ao mantemento e continuidade dos postos de traballo, a itinerancia pode ser unha das solucións posibles, proponse a necesaria, obrigada e preceptiva negociación sobre a mesma, con especial previsión sobre as prazas actualmente ocupadas e o seu significado sobre a modificación substancial de condicións de traballo que poda representar o cambio a realizar.

 

As actuais persoas ocupantes dos postos de coordinacións das distintas áreas, escolas e centros de persoas maiores, deben aparecer asignados aos seus postos de orixe, en atención á prescrición do RD Lei de 6 xullo de 2021 de medidas urxentes para a redución da temporalidade no emprego público, o literal do mesmo ven a indicar a necesidade de que iso sexa así en atención á obrigada oferta dos postos atendendo ao criterio de tempo de ocupación de prazas temporais.

 

Solicítase confirmación do que parece deducirse do documento e que de xeito pormenorizado se alegará, sobre a conversión das prazas de tempo parcial a xornada e quenda ordinaria.

 

UGT entende que é de suma importancia que se responda á pregunta da confirmación de prazas vacantes a fin poder establecer con nitidez aquelas prazas que na actualidade non se atopan ocupadas e poden formar parte da oferta de emprego na quenda libre.

 

Ao respecto das 51 prazas de Inclusión Sociolaboral, sexan Técnicos/as Medios, Superiores ou Posto Base, requirimos concreción de titulacións así como de funcións e tarefas para adecualos ás escalas de:

 

• XMO XERAL (ESCALA TÉCNICA ORIENTACIÓN LABORAL)

 

• XSO XERAL (ESCALA SUPERIOR ORIENTACIÓN LABORAL)

 

 

Con total probabilidade non todos os postos realicen tarefas e polo tanto teñan funcións e en consonancia ostenten competencias para desenvolver as correspondentes á propia do posto de Orientación Laboral. É necesario a realización dunha APT (análise de posto de traballo) con carácter previo á adscrición á Escala de Orientación.

 

                                                                                                ACCEDE Ó DOCUMENTO COMPLETO

volver arriba

Coñecenos

Sectores

Servizos

Areas

Siguenos

Utilizamos cookies propias y de terceros para nuestros servicios, analizar sus hábitos de navegación, elaborar información estadística e inferir grupos de interés. Además compartimos los análisis de navegación y los grupos de interés con terceros. Al clicar en "Aceptar" o SI CONTINÚA NAVEGANDO, ACEPTA SU USO. También puede CONFIGURAR O RECHAZAR la instalación de cookies  “Cambiando la configuración de su navegador".