Publicación en DOG da tramitación electrónica da elección de destino provisional a1 pi, a1 pl, a2 pi, a2 pl

Publicación en DOG da tramitación electrónica da elección de destino provisional a1 pi, a1 pl, a2 pi, a2 pl
0
0
0
s2smodern
   

Publicada hoxe (23/11/2020) en DOG a Resolución pola que se convocan para a elección de destino provisional as persoas aspirantes que superaron os procesos selectivos para ingreso polas quendas de promoción interna e libre dos subgrupos A1 e A2.

Ás persoas aspirantes que superaron os procesos selectivos adxudicaráselles destino no mesmo posto que viñesen desempeñando con carácter definitivo sempre que figure na relación de postos de traballo aberto ao corpo da Administración xeral a que acceden.

No anexo I, da resolución, figura a relación de persoas aspirantes que superaron os procesos selectivos

No anexo II figuran os postos ofertados e os requisitos esixidos para a súa ocupación

Para o acceso á aplicación informática para a elección de destino, a Dirección Xeral da Función Pública remitirá ás persoas aspirantes un correo electrónico co usuario e a clave de acceso á aplicación de cada un dos procesos selectivos

No prazo máximo de tres (3) días hábiles contados a partir do día seguinte ao da publicación da resolución no DOG, a persoa aspirante, no suposto de que non recibise correctamente o seu usuario e clave, deberá poñerse en contacto co servizo informático da Dirección Xeral da Función Pública, no teléfono 881 99 98 83, para que se lle faciliten os datos necesarios.

Transcorrido o prazo sinalado no parágrafo anterior, abrirase un prazo de dez (10) días hábiles para que as persoas aspirantes que constan no anexo I desta resolución seleccionen telematicamente, a través do sistema electrónico, os destinos ofertados por orde prelación

A elección de destinos deberá realizarse a través do sistema electrónico a que se poderá acceder a través da páxina web da Dirección Xeral da Función Pública funcionpublica. xunta.gal, seguindo a ruta:

https://www.xunta.gal/funcion-publica/procesos-selectivos/eleccion-destino

Finalizado o prazo para a elección de destinos, a aplicación efectuará a adxudicación automática de destinos, en función do subgrupo ao cal se accede e orde prelación acadada por cada persoa aspirante no seu proceso e atendendo á orde preferencia na selección de destinos efectuada por esta

Estará á disposición das persoas aspirantes información complementaria para a utilización da aplicación informática e a presentación das solicitudes de elección de destino, na páxina web da Dirección Xeral da Función Pública funcionpublica.xunta.gal

Enlace á Resolución:

https://www.xunta.gal/dog/Publicados/2020/20201123/AnuncioG0597-181120-0002_gl.pdf

volver arriba

Coñecenos

Sectores

Servizos

Areas

Siguenos

Utilizamos cookies propias y de terceros para nuestros servicios, analizar sus hábitos de navegación, elaborar información estadística e inferir grupos de interés. Además compartimos los análisis de navegación y los grupos de interés con terceros. Al clicar en "Aceptar" o SI CONTINÚA NAVEGANDO, ACEPTA SU USO. También puede CONFIGURAR O RECHAZAR la instalación de cookies  “Cambiando la configuración de su navegador".